Buaya Tembaga

cerita rakyat

Katong pung pulau Ambon termasuk salah satu pulau yang cukup terkenal di Kawasan Indonesia sebelah Timur. Katong pung pulau ini akang bagus lai, karna akang di bentuk oleh dua jazirahya yaitu jazirah Leihitu dan Jazirah leitimur. Kedua Jazirah ini akan dihubungkan oleh satu tanah genting yang biasa dong bilang akang par tanah genting baguala. Tanah genting ini jua akang biasa kasi baku dapat di teluk ambon deng teluk baguala.

Pada masa perang dunia ke II, Tantara Jepang berusaha mau kasi putus akang supaya dapat dibuat satu jalan gampang par pi ka Kota Ambon, tapi usaha Jepang seng jadi, barang pas dong mau gale bagini, hee…… apa yang terjadi, kaluar darah di tampa gale itu.

Menurut carita orang tatua dolo-dolo, di teluk Baguala ada seekor buaya besar, akang pung panjang amper 5 meter, deng akang pung warna kulit paleng kuning amper sama deng warna tembaga, karna itu dong kasi nama akang par buaya tembaga. Buaya itu akang hidop di Teluk Baguala bae-bae saja. Karna masyarakat/penduduk di sekitar Teluk Baguala hidop jua bae-bae. Hal ini menunjukan bahwa buaya itu di sombah (disembah) oleh masyarakat di sekitar Teluk Baguala.

Sementara di pesisir pante (Pantai) selatan pulau buru hidup seekor ular besar. Ular itu akang hidop di atas sebatang pohon bintanggor. Pohon bintanggor ini akang biasa hidop di pante deng akang salalu miring kaarah (arah) aermasing (air laut). Ular itu paleng kajahatang deng adanya ular itu baganggu (mengganggu) ketentraman masyarakat/penduduk di sekitar laut itu. Sagala macam ikang, buaya yang hidop di sekitar itu abis di makan oleh ular itu.

Pernah babarapa kali terjadi bakalai/bakupukul antara ular deng babarapa ekor buaya, tapi buaya-buaya itu samua mampos (mati) dong dapat bunuh dari ular itu. Oleh karna itu dong bakumpul untuk akor (cari jalan kaluar) supaya dong dapat bunuh ular itu. Pada saat dong bakumpul ada satu keterangan yang dapat di percaya bahwa ada jagoan (penantang) yang dapat mengalahkan ular itu hanyalah buaya tembaga dari teluk baguala.

Keterangan itu meyakinkan bahwa buaya tembaga punya kemampuan yang dapat dipercaya. Maka hasil akor memutuskan untuk mengirim utusan par baku dapa (bertemu) deng buaya tembaga.. Di samping itu dong biking panitia par sambut kedatangan buaya tembaga. Lalu dong biking pesta, dong barsuka sebelum parang antara buaya tembaga deng ular itu. Selesai bakumpul utusan itu barangkat keteluk baguala untuk baku dapa deng buaya tembaga. Pas utusan sampe di sana dong bilang dong pung maksud, buaya tembaga tarima dong deng senang hati dan bersedia untuk mau tolong dong. Lalu dong pi deng buaya tembaga menuju pante selatan pulau Buru. Buaya tembaga di terima deng satu upacara yang rame paskali. dong badendang deng bersuka salama dua hari deng buaya tembaga.

Pada hari yang ketiga buaya tembaga mulai melaksanakan tugasnya. Dia mulai bajalang kasana kamari, par cari ular itu, pas dekat pohon bintanggor dong dua baku dapa. Ular itu mulai balingkar dia pung ekor di pohon bintanggor, lalu dia kasilunjur dia pung badang ka aermasing (air laut) tarus dia patok buaya tembaga. Dong dua mulai baku lipa (saling baku pukul) buaya tembaga lalu hantam (pukul) kapala ular tadi deng ekor. Parang tanding terjadi amper tiga hari di saksikan oleh samua masyarakat laut.

Perang sumasuk hari katiga dong baku lipa tarus langsung ular itu balingkar ekor karas-karas di batang pohon bintanggor lalu dia tarik dia pung balakang deng satu gerakan yg paleng capat bergerak lalu dia patok ka arah mata buaya tembaga.Tapi buaya tembaga dapat menghindar, tarus buaya tembaga pukul deng ekor paleng kuat ka bagian kapala ular yang su babarapa kali dapat pukol dari buaya tembaga. Pukulan dari buaya tembaga memang pukulan yang paling tepat sasaran dan cukup keras sehingga daya tahan ular yang balingkar di pohon bintanggor itu suseng mampu lai, akhirnya ular itu talapas ka aer masing (air laut) lalu mampos (mati).

Pas dong lia ular su mati he dong samua barsuka paskali, dong barsuka somba (sembah) buaya tembaga. Tarus dong bakumpul kombali par barunding par oleh-oleh apa yang dong mau kasi par buaya tembaga atas kelelahannya sehingga dong samua su talapas dari gangguan ular itu. Lalu dong samua akor untuk dong kasi penghargaan berupa oleh-oleh yang sesuai deng buaya tembaga pung lala. Akhirnya dong ambil sabuah tagalaya basar, lalu dong isi tagalaya itu deng babarapa macam ikan, seperti ikan make, ikan papere, deng ikan salmaneti. Lalu oleh-oleh itu di berikan par buaya tembaga untuk di bawa sebagai tanda mata di teluk Baguala. Dong samua antar buaya tembaga ka teluk Baguala, pas sampe di teluk Baguala, tagalaya itu dong taruh akang di situ, seng lama lai ikang-ikang itu akang batalor tarus jadi banyak paskali. Sampe sakarang orang-orang Parcaya kalo buaya tembaga itu timbul dan kas tunju muka, maka satu dua hari lai macam-macam ikan tadi masuk di labuang dan menjadi sumber anusang (rejeki) bagi orang-orang di sekitar teluk Baguala. Dari oleh-oleh yang buaya tembaga dapat itu telah menempatkan buaya tembaga pada kedudukan penting sehingga buaya tembaga di somba (disembah) dan di hormati oleh orang per-orang karena kedatangannya membawaa nusang (rejeki) bagi masyarakat Baguala.

Menurut carita orang tatua dolo-dolo ,Buaya tembaga ini lama-lama akang su paleng tua, lalu akan mati, tapi dia pung badang akang karas deng berubah jadi tanah genting yang par kasi sambung Jazirah Leihitu dan Leitimur, tepatnya akang ada di Desa Passo deng Suli. Kalo katong badiri sore-sore di pinggir pantai Natsepa dan lia ka Barat, maka katong lia dataran di sana akang sama deng Buaya yang ada tidor.

Ha! Daric arita ini to, dapat katong ambel pelajaran berharga par katong samua, yaitu:

Sebagai orang basudara katong musti hidop laeng sayang laeng.

Jang paskali par biking orang susah.

Kalo satu susah to katong musti bantu, sama deng yang tadi BuayaTembaga su biking tu. Sebab to, katong ni samua satu bangsa, satu tanah aer deng satu bahasa, itulah Indonesia tercinta.

Comments are closed.